ჩემ მიერ შექმნილი სასწავლო რესურსი

ცაგერის რაიონი , სოფ. ზუბის საჯარო სკოლა

                                                                                                                   საგანი: ინგლისური ენა

                                                                                                          პედაგოგი: ირმა ნოსელიძე

საგანმანათლებლო რესურსი

რეფლექსია

ინგლისურ ენაში დაწყებით საფეხურზე მნიშვნელოვანია თვალსაჩინო მასალის და სხვადასხვა სახის  რესურსის გამოყენება. ჩემს მიერ დამზადებული რესურსი განკუთვნილია II- III –IV დაწყებითი კლასის მოსწავლეებისათვის, თუმცა მოსწავლის  საჭიროებიდან გამომდინარე შეიძლება გამოყენებულ იყოს ასევე უფრო მაღალი საფეხურის მოსწავლეებთანაც.

 საგანმანათლებლო რესურსის მიზანი არის, რომ  მოსწავლეებმა  გაკვეთილის მსვლელობისას  მარტივად და ხალისით შეძლონ :

1.         წინდებულების გამოყენებით  მარტივი წინადადებების შედგენა.

2.           კონსტრუქცია There is/ There are გამოყენებით  წინადადებების შედგენა .

3.         ლექსიკური მარაგის გამდიდრება

4.         მოსწავლეთა საგაკვეთილო პროცესში ჩართულობის გაზრდა, დაინტერესება, მოტივირება.

            5.     თანამშრომლობისა  და საკომუნიკაციო  უნარ- ჩვევების განვითარება.

აღნიშნული რესურსი დამზადებულია ფორმატის ფურცლის გამოყენებით რომელიც არის ლამინირებული , ასევე გამოჭრილია სხვადასხვა წინდებულები, სიტყვები ( შინაური ცხოველები) , ზმნები და კონსტრუქცია there is/there are რომელებიც არის ასევე ლამინირებული და რაც საშუალებას აძლევს მოსწავლეს შეუძლია ადვილად გადაადგილოს /  შეუცვალოს ადგილი  ნებისმიერ სიტყვას , წინდებულს და ა.შ.

            აღნიშნული რესურსი გამოვიყენე მესამე კლასის მოსწავლეებთან , რადგან ზოგ შემთხვევაში დიდ სირთულეებს ვაწყდები წინდებულების შესწავლის დროს. დაწყებით საფეხურზე მოსწავლეებს ურთულდებათ წინდებულების აღქმა და სწორედ აქ , თვალსაჩინოება თამაშობს დიდ როლს მოსწავლეთა მოტივირებაში, რათა მოსწავლე გაუმკლავდეს გარკვეული სახის სირთულეებს უცხო ენის შესწავლის პროცესში.

 მინდა  ავღნიშნო ის მოტივაცია და ხალისი რომლითაც მოსწავლეები იყვნენ ჩართული აქტივობებში:  წინადადებების შედგენაში , ცხოველების და ნივთების გადაადგილებაში და ა.შ.  გაკვეთილის დასრულების შემდეგ მათ თავად გამოთქვეს სურვილი მსგავსი რესურსის დამზადების  და გამოყენების.

აღნიშნული რესურსის დადებითი მხარეები :

1.      მარტივად დასამზადებელი

2.      ხელმისაწვდომი

3.      სახალისო და უკეთ დასამახსოვრებელი

4.      უსაფრთხო

5.      შეუძლია გამოიყენონ სხვადასხვა საფეხურის მოსწავლეებმა.

6.      არ მოითხოვს ხარჯებს

7.      შეგვიძლია გამოვიყენოთ მრავალჯერადად

რას გავაუმჯობესებ:

1.      ავიღებდი ქაღალდის უფრო დიდ ფორმატს , გავზრდიდი არსებითი სახელების რაოდენობას, რათა მოსწავლეებმა აითვისონ რაც შეიძლება მეტი ლექსიკური ერთეულები.